大家好嗎？話咁快創意香港標誌設計比賽已經順利完成，而頒獎禮亦都舉行o左喇！Umumum至於我有冇攞獎…..(=.=) …都係唔好提喇！！！
無辦法啦！對手實在太強喇！
美術老師miss tong tong 叫我同埋其他參加o左呢個比賽o既同學唔好失望，要繼續努力，仲叫我o地去睇o下入圍同得獎作品。(@O@)
我o地當然拿拿聲搵支筆抄底o的資料：

創新中心
日期：2009年12月17日至23日
開放時間：上午9時至下午6時
地址：香港九龍九龍塘達之路72號地下

中環天星七號碼頭
日期：2009年12月24日至2010年1月6日
開放時間：上午6時30分至下午11時30分
地址：香港中環天星七號碼頭上層等候區

數碼港
日期：2010年1月7日至17日
開放時間：上午10時至晚上7時
地址：香港數碼港道100號數碼港3座B區3樓展示廊

賽馬會創意藝術中心
日期：2010年1月18日至31日
開放時間：上午10時至晚上10時
地址：香港九龍石硤尾白田街30號賽馬會創意藝術中心7樓綠色空間

大家如果有時間就去881903.com頒獎典禮專頁睇o下得獎同入圍作品啦！
如果想知道更多資料，可以瀏覽http://www.createhk.gov.hk/logo。(^v^)/

已經o黎到最後衝刺階段喇！！你地寄出o左你地o既大作未先？咩話？有人仲未開始？？！！！唔緊要，正所謂有心唔怕遲，而且靈感呢o的o野話o黎就o黎，話唔埋你最後一刻諗出o黎o既idea先至係最犀利呢～

老土o的講句，比賽又唔係話要著重輸贏o既，因為今次創意香港呢個比賽，除o左係想為呢個咁新而咁有意義o既機構設計一個官方標誌，其實仲有其他目的o既．．．

就好似鼓勵及表揚本地人才（我同你～）o既原創設計同創意，加強公眾對本地設計o既認識及興趣（我媽咪呢排先知我鍾意設計 -_-），同埋為香港私人機構樹立採用本地設計o既典範（我第時都諗住做呢行o架～！）

其實呢三點，我地只需要參加o左呢個比賽，就做到o架喇。如果喜歡設計，自己哩響屋企畫公仔係無用o既。o者係好似D band仔，成日哩響band房，唔出去參加比賽同演出，根本就唔會有人知你識呢樣o野，亦唔會推動到整個香港o既大氣候。如果想香港好似歐洲咁多博物館，好似北京咁有個798藝術區，咁我地就要出力做返o的o野喇。而我小師妹就決定由呢個創意香港標誌設計比賽開始！！！

趁而家仲有少少時間，你快D加入啦！！長氣都要提多你一次！！
參賽者必須於2009年11月20日晚上7時正或之前將參賽作品郵寄（以郵戳為準）或呈交至香港生產力促進局，香港九龍達之路78號生產力大樓。請於信封面上註明「創意香港」標誌設計比賽。

12月17號就係頒獎典禮，而12月21號至2010年o既1月31號仲會有參賽作品o既巡迴展覽添！！希望到時見到你啦！！

想知更多有關創意香港同標誌設計比賽o既詳細資料，就上www.createhk.gov.hk/logo啦～。
(o’v’o)/

我為創意香港設計o既標誌，已經有眉目喇！！其實除o左我之外，我地全班同學都已經將最後o既設計不停修改中喇。我o地為創意香港設計o既標誌，主要分成三大類．．．

第一類就係玩typography，將有關設計o既idea溶入o係字體裡面，令人一眼就睇得出個logo代表o的乜o野。

第二類就係比較graphic o既取向，或者係用一個物件變成logo。呢個取向比較抽象，但係又俾人好現代o既感覺，十分之設合創意香港o既style呀！

第三類就係卡通喇。因為有o的同學真係毫無頭緒，但係本身畫畫都好叻，所以老師提意佢地設計一個公仔人物，當然o係呢個人物身上，都會搵到有關‘設計’o既元素啦。而我小師妹o既大作呢，係採取比較graphic　o既取向。唔好話我嚇你o丫，我o既設計真係越睇越靚呀！你要小心我呢個強勁o既競敵呀！(o ’ v ’ o)/

你地又準備成點先？如果七七八八，有o的o野大家一定要留意呀！

- 每件參賽作品必須包括下列項目（若有任何缺漏，參賽者將會被取消參賽資格！！！！！！！！！！）：

1. 一張載有彩色標誌的A4紙
2. 彩色標誌的 'jpg' 或 'ai' 電子檔案
3. 一張載有黑白標誌的A4紙
4. 黑白標誌的 'jpg' 或 'ai' 電子檔案
5. 一份已填妥及簽署的參賽表格正本（必須填寫創作理念）
6. 參賽表格的電子檔案
7. 一份呈交主辦機構並已簽署的「知識產權權利轉讓協議」（只適用於公開組）；以及
8. 香港身份證副本

為確保評審過程公平進行，參賽者唔可以o係載有彩色標誌o既A4紙、載有黑白標誌o既A4紙及設計意念說明頁上展示任何身份記認。大家千祈唔好手多多，乜都寫自己個名上去呀～！！

大家繼續努力創作啦！！有o野唔明就上www.createhk.gov.hk/logo啦～

2009年11月20日晚上7點就截止喇！！

緊張x 100000000000  (o ’ _ ’ o)/

恭喜恭喜黃金寶！！

o係全國運動會上奪冠，證明香港o係體育上o既成就！！我小師妹都好想為國爭光呀！！不過自問有小小肥，身手唔敏捷，我o既體育成績只有C．．．（shhhhhhh）。不過美術就唔同喇，有A o架！所以我想從美術方面發展我o既小宇宙。而創意香港標誌設計比賽就係我o既第一步喇！各位參加o左o既朋友，你地要小心我呢個超強o既競敵呀！

雖然睇我blog o既人可能都係參賽者，不過有競爭先有進步o丫嘛，所以美術老師miss tong tong教我地o既小貼士，我都會o係呢度同大家分享o既。上次講開brainstorming，要拋開一切，天馬行空咁樣記低所有你聯想到o既o野，然後，我地有o左呢堆idea之後又點呢．．．？

之後我地一眼就會睇到比較突出o既idea，又或者發現原來某兩個idea係可以合併成為一個。只要花o的時間，整理一下呢堆brainstorm出o黎o既idea上面，我地就會開始得出更具體o既設計。

而家係時候上上創意香港o既官網，望o下o的評審標準喇！！
所有作品經由評審委員會根據以下標準進行評審：

- 創意（古板或太普通o既設計，可以從brainstorming紙上劃去lu~）
- 原創性（o者係唔可以抄o野，當然啦！！抄等如作弊呀）
- 吸引力（簡單D講o者係靚lor．．．hee）
- 訊息的傳達效果（要清楚俾人知道呢個logo代表D乜，亦都係logo o既用處）
- 可行性（如果你設計一個透明o既logo，你叫人地點用呀？！）

2009年11月20日晚上7點就截止喇！！
而家已經踏入o左11月喇！！！未參加o既朋友唔好再諗喇！！！

快D上創意香港o既website睇清楚D比賽資料啦！
http://www.createhk-logo.gov.hk/
＊＊最近有無見到呢個比賽o既poster？
設計同紙質都極美哦～＊＊　/(o‘ v ‘o)

好多同學仔都o係度研究緊，應該點樣設計「創意香港」標誌設計比賽！個LOGO呢。討論o既時候又怕講得太多被人偷橋喎，真係好搞笑。

美術老師miss tong tong覺得呢個比賽好有意思，所以就鼓勵我地全班一齊參加！而且仲o係美術堂教我地點樣著手去設計添。

第一樣要做o既o野，當然係要睇清楚佢地o既截止日期，睇o下仲有幾多時間預備嘛～
參賽者必須於2009年11月20日晚上7時正或之前將參賽作品郵寄（以郵戳為準）或呈交至香港生產力促進局，香港九龍達之路78號生產力大樓。請於信封面上註明「創意香港」標誌設計比賽。

想知更多就上www.createhk.gov.hk/logo啦～

然後就係做research，搵靈感。不過要記住，呢個比賽最緊要係創意同原創性，所以參考唔等如抄考呀！！

跟住就開始BRAINTORMINGo既環節喇！無論諗到o的乜都將佢畫低先，就算你覺得好同唔好都好，總之你聯想到o既任何o野都將佢畫低先。呢個環節好緊要o架！老師話，一閃即逝o既靈感，如果唔第一時間記低佢，我地分分鐘就失去o左一個勝出o既機會喇！！

BRAINSTORMING階段，可以暫時不理評審標準，但係只係暫時，當有更多頭緒o既時候，就要根據評審標準作修改喇～
所有作品經由評審委員會根據以下標準進行評審：

- 創意
- 原創性
- 吸引力
- 訊息的傳達效果
- 可行性

至於呢o的評審標準點解呢，miss tong tong 話下堂教我地喎～
咁我唯有下次先可以同你講lu~
下篇BLOG見啦～　　（o’v’o）/ bibibibibibibibibibi

我小師妹今日有個重要o既決定！！
就係參加一個比賽！！
「創意香港」標誌設計比賽！！！
之前同你地提過創意香港辦公室啦，話咁快就有活動喇！我咁有創意，梗係要參加啦～
hee (* v * )/

創意產業係香港重要o既經濟支柱，有助提升工商業創新能力，成為未來經濟增長o既泉源。為o左支援本地創意產業發展，商務及經濟發展局轄下o既「創意香港」辦公室於六月一號正式成立（上次講過啦～）。「創意香港」辦公室喺香港生產力促進局同香港設計師協會等機構嘅支持下，合作舉辦「創意香港」標誌設計比賽，為推動香港創意經濟o既行動展開序幕！！！

設計LOGO，好似好好玩咁喎! 佢地仲真係有機會會用公開組個勝出LOGO添！！（開心）

比賽共分為兩個組別：

   「創意香港」標誌設計比賽：公開組
   表揚專業設計師同公眾人士o既創新標誌設計。

   「創意香港」標誌設計比賽：學生組
   表揚專業設計院校、中小學或大專院校學生o既出色標誌設計。

我當然係參加學生組啦！１０月１５號至１１月２０號可以遞交作品喇～
你地都同我一齊玩啦　＼（‘ｖ’）／

想知更多o既話．．．可以登入http://www.createhk.gov.hk/logo 呢個網址，或
同「創意香港」標誌設計比賽秘書處聯絡啦～
香港生產力促進局
    電話：852-2788 5953 / 2788 5679
    電郵：shirleyw@hkpc.org / winkic@hkpc.org  

我要開始設計喇，遲o的再傾～

第一次寫BLOG，我係小師妹呀，各位BLOGGER你地好！！
其實一路都用開日記簿寫日記o架，因為我鍾意畫畫丫嘛。不過今次開呢個BLOG，係因為想同多o的人分享我每日o既新發現呀。今日上美術堂o既時候，老師話今日講室內設計，然後拎o左幾張辦公室o既圖片出o黎，問我地邊個辦公室最有創意喎．．．

我即刻舉手話，以上6間都唔係！最有創意梗係「創意香港」辦公室啦！為o左推動本地創意產業發展，商務及經濟發展局轄下o既「創意香港」辦公室o既今年六月一號已經正式成立，為進一步推動香港創意經濟o既行動展開序幕呀！

「創意香港」辦公室究竟係乜呢．．．．

使命：香港營造有利環境，促進創意產業o既發展。

願景：將香港發展成為區內o既創意之都。

佢地嘅7大策略範疇:
－培育創意人才（即係我地啦），令他們成為發展本地創意經濟o既中流砥柱！
－促進創意企業成立同發展
－製造對創新和創意的需求，並擴大創意產業的本地市場規模
－o係內地同海外推廣本地創意產業，協助業界開拓外地市場
－o係社會上營造創意氛圍
－o係本土凝聚創意產業群組，以產生協作效應同促進交流，仲有．．．  
－推廣香港成為亞洲創意之都！！！！

我答完之後已經無人理o個幾幅圖lu～　連老師都讚我識o野呀！而家個個同學都好留意「創意香港」辦公室o黎緊有乜o野活動搞呀。

如果你都想知多o的，可以去佢地o既網頁：http://www.createhk.gov.hk/

當然仲要留意我小師妹o既BLOG啦！！！我update得好密o架！！哈哈～
（o’v ‘o）/

＊＊下回預告: 最具創意的Logo＊＊